Quick Menu
Stay Connected with Us!
Contact Info Office
4th Floor, Revenue Tower Public
Office Compound, Trivandrum,
Kerala, India. PIN - 695 033
Phone : 0471-2319831, 0471-2312730
E Mail : [email protected]
ജൂൺ 5, ലോക പരിസ്‌ഥിതിദിനത്തിൻ്റെ ഭാഗമായി ശുചിത്വ മിഷൻ 'എൻ്റെ കരുതൽ, എന്റെ പരിസ്ഥിതിക്കായി' എന്ന ആശയത്തിൽ വിപുലമായ ഒരു ക്യാമ്പയിൻ, സംസ്‌ഥാന തലത്തിൽ ആരംഭിക്കുകയാണ്. പൊതുജനങ്ങൾ, വിദ്യാർത്ഥികൾ, സെലിബ്രിറ്റികൾ, സാംസ്‌കാരിക പ്രവർത്തകർ തുടങ്ങി സമൂഹത്തിലെ എല്ലാവരുടെയും പങ്ക് ഉൾക്കൊള്ളിച്ച് കൊണ്ട് സംസ്‌ഥാനമാകെ റെസല്യൂഷൻ ചാലഞ്ച്, റീൽസ് മത്സരം, ശുചിത്വ പ്രതിജ്ഞ, IEC ആക്ടിവിറ്റികൾ തുടങ്ങി വിവിധ തരം ആക്ടിവിക്ടികൾ കാമ്പയിനിൻ്റെ ഭാഗമായി സംഘടിപ്പിക്കുന്നു.
പരിസ്ഥിതി ദിനത്തിൻ്റെ ഭാഗമായി ഒരു ദിനം മാത്രം നീണ്ടു നിൽക്കുന്ന ആഘോഷങ്ങൾ എന്ന് മാറി ഒരു മാസത്തോളം നീണ്ടു നിൽക്കുന്ന റെസൊല്യൂഷൻ ചാലഞ്ചാണ് 'പരിസ്ഥിതി സംരക്ഷണം, മാലിന്യമുക്തിയിലൂടെ'. കൃത്യമായ മാലിന്യ നിർമ്മാർജ്ജന, സംസ്‌കരണ പ്രവർത്തനങ്ങൾ നമ്മുടെ ശീലത്തിന്റെ ഭാഗമാക്കാനും, അതിനോടൊപ്പം മറ്റുള്ളവരെ ചലഞ്ച് ചെയ്യുകയുമാണ് ഈ ക്യാമ്പയിന്റെ ഉദ്ദേശം. ഇതിനായി ശരിയായ മാലിന്യസംസ്‌കരണം, ഹരിത ചട്ടപാലനം, ബദൽ ഉൽപ്പന്നങ്ങളുടെ ഉപയോഗം പ്രോത്സാഹിപ്പിക്കുക തുടങ്ങിയവ നടത്തുന്നവർ വീഡിയോയെടുത്ത്/ സോഷ്യൽ മീഡിയയിൽ പോസ്‌റ്റ് ചെയ‌് മറ്റുള്ളവരെ ചാലഞ്ച് ചെയ്യുന്നു.
ഉദാഹരണം: എന്റെ വീട്ടിലെ പ്ലാസ്‌റ്റിക്ക് ക്യാരി ബാഗുകളെല്ലാം ഞാൻ ഹരിത കർമ്മസേനയ്ക്ക് കൊടുത്തു, ഈ പരിസ്ഥിതി ദിനം മുതൽ ഞാൻ തുണിസഞ്ചി ഉപയോഗിക്കും. ഇത്തരത്തിൽ ചാലഞ്ച് ഏറ്റെടുക്കാൻ ഞാൻ നിങ്ങളെയും ക്ഷണിക്കുന്നു. (ഇത്തരം വീഡിയോകളുടെ പ്രചാരണം) വ്യക്തികൾ, സെലിബ്രിറ്റികൾ, പ്രമുഖ വ്യക്തിത്വങ്ങൾ എന്നിവർ ഒറ്റയ്ക്ക് ഏറ്റെടുക്കുന്നതിനൊപ്പം, റസിഡെൻ്റ്സ് അസോസിയേഷൻ, സ്‌കൂളുകൾ തുടങ്ങിയവയ്ക്ക് കൂട്ടായിട്ടും റെസല്യൂഷൻ ചാലഞ്ചിൽ പങ്കെടുക്കാം. റെസല്യൂഷൻ ചാലഞ്ചിൽ പങ്കെടുക്കുന്നവരുടെ വീഡിയോ, ഫോട്ടോ എന്നിവ ലഭ്യമാക്കിയിരിക്കുന്ന ക്യാമ്പയിൻ ഫ്രെയിമിനുള്ളിലാക്കി ജില്ലകളിലെ പേജുകളിൽ പ്രചരിപ്പിക്കേണ്ടതാണ്. ജില്ലകളിലെ പേജുകൾക്ക് പുറമേ ചാലഞ്ച് ചെയ്യുന്ന വ്യക്തിയുടെ പേജിലും ഇത് പ്രചരിപ്പിക്കുന്നുവെന്ന് ഉറപ്പുവരുത്താം.
'എൻ്റെ കരുതൽ, എൻ്റെ പരിസ്ഥിതിക്കായി ' എന്ന ആശയത്തിൽ സംസ്ഥാനതല റീൽസ് മത്സരം. മത്സരത്തിൻ്റെ ആദ്യ ഘട്ടം ജില്ല തിരിച്ചാണ്. അതിനായി സോഷ്യൽ മീഡിയയിൽ പബ്ലിഷ് ചെയ്‌ത വീഡിയോയുടെ ലിങ്ക് അതാത് ജില്ലാ ശുചിത്വ മിഷൻ ഓഫീസിനയക്കേണ്ടതാണ്. ജില്ലാതലത്തിൽ മികച്ച 5 എണ്ണം കണ്ടെത്തി സംസ്‌ഥാന തലത്തിലേക്ക് അയക്കേണ്ടതാണ്. ഇതിൽ നിന്ന് സംസ്‌ഥാനതലത്തിൽ തെരഞ്ഞെടുക്കുന്ന 10 പേർക്ക് 10,000 രൂപ വീതം സമ്മാനം നൽകുന്നതായിരിക്കും. റീൽസ് മത്സരത്തിൽ പങ്കെടുപ്പിക്കേണ്ട റീലുകളിൽ പാലിക്കേണ്ട മാനദണ്ഡങ്ങൾ ചുവടെ കാണുക.
2025ലെ ലോക പരിസ്ഥിതി ദിനത്തോട് അനുബന്ധിച്ചുള്ള 'എൻ്റെ കരുതൽ, എൻ്റെ പരിസ്ഥിതിക്കായി ' ക്യാമ്പയിൻ്റെ സംസ്ഥാനതല ലോഗോ പ്രകാശനം തദ്ദേശ സ്വയംഭരണ വകുപ്പ് മന്ത്രി ശ്രീ.എം.ബി. രാജേഷ് നിർവ്വഹിക്കുന്നു. ശുചിത്വ മിഷൻ എക്സിക്ക്യൂട്ടിവ് ഡയറക്ടർ ശ്രീ. യു.വി.ജോസ് ഐഎഎസ്, തദ്ദേശ സ്വയംഭരണ വകുപ്പ് പ്രിൻസിപ്പൽ ഡയറക്ടർ ഡോ. എസ്. ചിത്ര ഐഎഎസ്, തദ്ദേശ സ്വയംഭരണ വകുപ്പ് സ്പെഷ്യൽ സെക്രട്ടറി ശ്രീമതി അനുപമ റ്റി.വി. ഐ.എ.എസ്, ശുചിത്വ മിഷൻ ഡയറക്ടർ ഓപ്പറേഷൻസ് ശ്രീമതി. നീതുലാൽ ബി. എന്നിവർ സമീപം
